LUCASINHO RIBEIRO (Tiatrancho Sthapnnar)
- John Claro


Goans are Italians of the East, oxem mhonnon pacharleat Goenkarank tanchea huxarkaiek lagon.  Oslea eka huxar Goenkarak, hea 1994 vorsak, Janearachea 2rer, ekxem ektis vorsam bhorlim.  To nhoi anik konn, bogor Konknni tiatrancho sthapnnar, Lucasinho Ribeiro. Tiatr ho ek kherit machievelo prokar tannem Italian Opera vhelean rochlo.  Ji rompi tannem 102 vorsam pattim kirlailoli, ti aiz mullam khol-khol geleant ani tanche khandde aiz zaitea zannank savlli ditat.  

Constancio Lucasinho Caridade Ribeiro tachem purnn nanv. To Janerache 2rer, 1863 vorsa Assaganv zolmololo.  Vincent Rosario Ribeiro tacho bapui ani Maria Aurora de Souza tachi avoi.  Tacho pabui mullak Socorro  vaddeantlo, punn ghor zavoim zavn, tannem aplem thikann Assaganv, Sokol Vaddeant kelolem.

Khorem mhonnlear zagor ani khell amchea mullache. Goenchem Konknni nattok, zagor chodd korun Bardez-ant ani khell Saxttint zatalet.  Sodhpus kelole kodden amkam gomta, 1820 vorsa adim pasun, Goenkar Mumoint zagor ani khell kortalet mhunn.  Survatek bore zagor ani khell zatalet, punn uprant te vaitt doxer pavlet. Head khellank ani zagorank lagon, porko lok amcheo Goenkarancheo zombareo kortalet.  Heach khatir, boro xikxit lok aslolo to fokot Purtuguez ani Inglez dramas kortalet.

Sumar 1890 vorsa, ek Italian Opera, Indieche bhonvdder aslo.  Jedna te Mumboint aple priog kortalet, teach kallar Lucasinho, ek satavis vorsancho danddgo, Goeant than nokri sodhunk mhonn Mumboint pavon sorlo. Mumboint tannem amchea Goenkaranche zagor ani khell pollelet ani taka dislem heo donui vostu Goenkaranchem nanv sokol haddttat mhonn.  Tannem toxech Italian Operanche proiog pollele.  Te opera polleun to gul'l zalo ani apleach bhitor gunnghunnavnk laglo, tosle khell amchean kiteak korunk zanvchenant gai mhonn?

Continued....



Questions or Comments? Please write to us at: thegoanreview@goa-world.com

Special Thanks for the arrangements: Gaspar Almeida
with Fausto V. Da Costa. {Amchea kerit dhinvas Gaspar
Almeida ani Fausto V. Da Costa-k) - Goa-World Team
(Kuwait).