ANDREW FERNS

Andrew Fernandes, Dezembrachea 17ver 1923 vorsa Mapusa zolmolo.  Andrew Fernandes, zaka sogot Konkanni palkar ollkhotale mhunnon Andrew Ferns, tannem aplem nanv kantoun dovorlelem asa amchea tiatristachea ithiasint ostoreancheo parti korun.

Andrew lhan astanam ek boro muzgache interesticho aslo ani rebek vazoitalo.  Songitant to fuddem vetolo mhunnon tednam soggleancho odmas aslo.  Lhanuch than to kantaram ghoddtalo.

Andrew kantar korpant chodd huxear aslo ani taka tallo ekdom boro aslo.  Anthony Mendes, hachea sangatak to duettam gaitalo tim borea divirtimentachim aslim.

Ostori nhestoch to bhov sundor diso ani palkar favo toso to moddtalo, ani goroz toso aplo bhes bodoltalo. Dukhest avoichi part korpak taka konn logonaslo mhunntat.  Tech porim khorkos vo zogddeakarn ostorechi part korpak to boroch huxear aslo.

Eka kallar to khup tiatramnim astalo ani tannem zaiteam famad digdorspeam khala parti keleat zoxe porim C.Alvares, Master Vaz, Saib Rocha, Jacint Vaz, Kid Boxer, Young Menezes, Anthony Mendes, adi.   Andrew, C.Alvares-a sangatak duettam gaitalo tim hitt
vetalim.  Sogott vhodd tiatristam vangdda Andrew nhesla.

Andrew tiatram xivai ek boro futtboll khellgoddi aslo ani Government of India Mint-ant sirvis kortalo.

Andrew Fernandes tornech piraier ho sounsar soddun gelo.

Questions or Comments? Please write to us at: thegoanreview@goa-world.com

Special Thanks for the arrangements: Gaspar Almeida
with Fausto V. Da Costa. {Amchea kerit dhinvas Gaspar
Almeida ani Fausto V. Da Costa-k) - Goa-World Team
(Kuwait).