TIATR-ITHIASACHI SODHPUS - John Claro

Tiatrachim Xembor Vorsam zalear uprant tiatr vixoia vixim zagrutai ailea koxi dista.  Goenchea Vidyapithan, gelea vorsak M.A. xikpaeank Tiatram vhoir 'assignment' dilolo, teach bhaxen he-ui vorsak tiatram voir anikui 'assignment dilolo asa.  Goenchea Vidyapithachea vidhearti Konkani Tiatram vhoir pustokam asat gai mhunn polleunk bhonvtat.  Goenche Central Library-int vochuon tiatram vhoir kitem mellta gai mhunn polletat.  Konkanni Academi ani Kala Academi, hea vixoiacher kitem asa zalear diat mhunn bejear kortat.  Amche boroupi ani digorspi fokot tiatr machier haddunk urle, ani hea motvachea kamak konnech hat ghatlo nam. Bomboichea The Goa Times, The Goa Mail, Soth-Uloi, Ave Maria, Chabuk, Sontos, Konkan Times, New Goa, Cine Times, toxech Goencheam Vauraddeancho ixtt, Porjecho Adar, Sot, Goencho Mog, heam Konkanni sattolleani tiatram vhoir khuip boroupam toxeoch jahiratteo xhapun addleot.  Heam potram udexim, tiatranchi zaiti udhorgot zalea.  Aiz him, chodd xim potram amchea modhem nant, punn tannnim vaur kelolo  to konnachean negar vochunk zainam.  Aiz tiatrachi seva korpi fokot Gulab, V.Ixtt, The Goan Review, Goencho Avaz ani CineTimes urleant.

Zor tor ami khoro tiatrancho itihas soddteleanv zalear goroz asa, heam vhoilea potranchim survek than panar pan portunk ani barik obheas korunk.  Punn konn amkam him potram ditolo?    Konnem punn tim ballgunn dovorleant zait?  Nam!  hem konnakuch poddun vochonk nam.  Nhoi mhunnn, him potram xhapteleanim pasun apleo
potteo bore bhaxen samballun dovorunk nant.  Hea khatir aiz amkam adlea tiatram ani kolakaram vhoir kainch mevonam. Adlea tiatrancho ithias amkam chodd korun mellonk zai also Bomboicheam potrancher.  Kaidea pormannem kosloch jornal Bombaint xhaplo zalear tin potti tea Raj Sorkarak vetat ani tantli ek veta Asiatic Library (Central Library) Bomboi.  Heach zaguear amkam heam vhoilea dakoilelea potrancheo survek than copy mellunk zai asleo.  Zor tor tum thuim sodh korunk vochot zalear te spoxtt sangtat teo apnnaank pautat mhunn, punn zago naslelean, te teo khuim ballgunn dourinant, bogor kaim kallan radivalleank vikhtat.  Hench amchem
dordoiv!
Sarkhi khobor naslelean, konn amkam sangon gele poilo tiatr 'Italian Bhurgo' Sorgest Joao Agostinho Fernandes-an boroilolo mhunn.  Thodde, sangon gele poilo tiatr Dezembrachea 3rer, 1892 vorsa, Skating Ring,  Bomboi Bori Bunder zalolo mhunn.  Him sogllim adlim boroupam, sumar korun odmasan zatalim.  Konn sarko obheas korun borinaslo.  Aiz kall bodol'la. Purave nastanam konn bezabdarechim boroupam korpak toear aschonam. Tiatrachim Xembor Vorsam palltat tednam than tiatrachea ithisachi khori sodhpus zaunk lagli ani teach vellar amchea hatant poddlo ek lekh, zo Sorgest Joao Agostinho Fernandes-an boroilolo ani Novembranche 25ver, 1943 vorsak, Ave Maria sattolleacher porgott zalolo.  Zo lekh spoxtt sangta poilo tiatr konnem boroilolo ani kednam ani khuim zalolo to.  Hea khatir to lekh ami asa toso hanga ditanv. {Boksant aslolo lekh vach}.
Hea vhoilea lekhant Sorgest Joao Agostinho Fernandes sangta Febrereachea mhoineant 1892 vorsak, tiatrachi bunhead ghatli ani teach vorsachea Abrilant poilo tiatr dakoilo mhunnn.  Atam voros gavlem, mhoino meulo punn dis ani tarikh mat mevonk nam.  Itlench gheun hanvem sodhpus suru keli.  Mhojea khustar, oddech mhoinne Bombaim sarle, ani akrekh poilea tiatrachi tarik meuli, Paskanchi Ratr, Abrilchi 17vi, 1892 voros.  Hi tarikh poilech pavtt Abril 1992, Gulab masikacher progott zaun aili, Bab Prabhakar Tendulkar-annem mhoji mulakhat ghatleli tea vellar. Tea uprant, thoddkean hanvem tiatracho ithias boroun Kala Academy-ik, eh hat-potr xhaplelem tacher porgottunk hi tarikh tankam dili.  Atam ti sogottuch vapuddtat ani vapuddchi. Vhoir dilolea Sorgest Fernandes-achea lekhant zaiteo
goxtteo asat.  Tacher kitem mellta tacho ek ek dago gheun fuddem vochonk zai, tednanch ki Goenchea titrachim ithisaik suntram amkam melltolint. Tiatrachea mollar zaito vaur kocho asa.  Aiz  Goenchea Vidyapithachea Konknni vibhagache vidhearti tiatracho obheas korunk lagleat.  Uplapo vaur korunk kosloch faido nam ani kholl obheas korchi goroz asa ani tednach ki apo-ap noko asleleo goxtteo vhoir sorteleo ani boroun dovorleo mhunttoch fuddle pillgek upkartoleo. 

Questions or Comments? Please write to us at: thegoanreview@goa-world.com

Special Thanks for the arrangements: Gaspar Almeida
with Fausto V. Da Costa. {Amchea kerit dhinvas Gaspar
Almeida ani Fausto V. Da Costa-k) - Goa-World Team
(Kuwait).